Diário Liberdade – Todas as candidaturas autodefinidas como de esquerda soberanista galega apresentadas às eleiçons municipais de 22 de maio conseguírom um total de 5.169 votos, ultrapassando em quase todos os casos a barreira de 1%.
Apesar da precariedade de meios e do literalmente nulo espaço dedicado polos meios de comunicaçom do sistema às candidaturas soberanistas e de esquerda presentes nas eleiçons municipais, o resultado melhora a participaçom noutros processos eleitorais das forças da esquerda independentista galega, que sempre ficam abaixo de 1% dos votos.
11 candidaturas, 5.169 votos, 3 vereadores/as
Como temos informado no Diário Liberdade, as eleiçons de ontem fôrom as que registárom um maior número de listas autoidentificadas como de esquerda soberanista. Mugardos, Minho, Ames, Compostela, Cangas, Redondela, Nigrám, Salvaterra de Minho, Ponte Areias e Porrinho contárom com candidaturas apoiadas por diferentes organizaçons da esquerda independentista e por vizinhança das respetivas localidades. Todas elas, excepto a da FPG em Vigo, conseguírom ultrapassar a barreira de 1% dos votos.
Cangas do Morraço elege três representantes
Como noutras ocasions, a candidatura de ACE (Alternativa Canguesa de Esquerda, formada por FPG, IU e PCPG) foi a mais votada das 11. A lista encabeçada por Mariano Abalo conseguiu 1.744 votos e 12,77% dos votos, o que supom 3 vereadores e vereadoras, os mesmos que já tinha desde 2007, quando conseguira 1.890 votos (13,1%).
Minho, Mugardos, Ames, Redondela e Nigrám, percentagens destacadas
No concelho de Minho, a candidatura encabeçada por Alexandre Romero atingiu 4,62% dos votos, percentagem elevada que o deixou às portas da representaçom institucional, com 158 votos; em Mugardos, a lista soberanista chegou aos 3,98%, com 128 votos; em Ames, concelho próximo da capital galega, os 467 votos conseguidos por Ames na Esquerda situárom essa candidatura nos 3,54%. Também no sul, em Redondela, perto de Vigo, a lista apresentada pola FPG tivo um bom resultado, embora nom conseguisse entrar na Cámara Municipal: 613 votos, que representam 3,87%.
Em Nigrám, a candidatura encabeçada por David Giráldez (ex-BNG) com o apoio da FPG atingiu 334 votos e 3,5% de representaçom entre o eleitorado local.
Salvaterra, Porrinho, Ponte Areias e Compostela, acima de 1%
A candidatura de Salvaterra de Esquerda, que apresentava Lara Soto como candidata à presidência da Cámara, tivo 98 votos e 1,75% dos votos nesse concelho. Na mesma comarca, a lista de Ponte Areias de Esquerda repetiu resultado relativamente às eleiçons de 2007, com 158 votos e 1,30% dos votos (159 e 1,26% em 2007); e no Porrinho, onde se apresentava pola primeira vez umha lista soberanista e anticapitalista, o resultado foi de uns meritórios 175 votos e 1,65% dos votos.
No caso da capital da Galiza, a “Candidatura do Povo” somou 598 votos, o que significa 1,24% em termos percentuais.
FPG repete resultado de 2007 em Vigo
Por último, os 567 votos e 0,39% da FPG em Vigo convertem-na na única das candidaturas que nom conseguiu chegar à fasquia do 1%, se bem aumentou ligeiramente os votos de 2007, quando tinha obtido 544 e 0,36%.
Mais votos que a soma FPG/NÓS-UP nas eleiçons autonómicas de 2009
Os resultados totais em votos das candidaturas soberanistas e de esquerda suponhem, somados, um incremento em relaçom aos votos conseguidos, separadamente, polas duas candidaturas independentistas e de esquerda nas últimas eleiçons autonómicas galegas. Com efeito, nas votaçons de 2009, a soma dos votos da FPG (2.745 e 0,17%) e de NÓS-UP (1.474 e 0.09%) totalizou 4.219 votos no conjunto da Comunidade Autónoma da Galiza, 950 abaixo dos 5.169 conseguidos em só 11 localidades nas eleiçons municipais de 22‑M.
Evidentemente, som eleiçons diferentes, em momentos políticos muito diferentes (polarizaçom do voto entre o PP e o bipartido em 2009, grave crise económica e dispersom do voto em 2011), mas isso nom deixa de confirmar a existência potencial de umha bolsa de votantes independentistas e de esquerda maior da que eleiçom após eleiçom se visualiza nos votos a esse fragmentado espaço político.
Tabela de resultados nos 11 concelhos com participaçom da esquerda soberanista, realizada por Galizalivre:
Resultados definitivos (escrutado 100%):
AMES
PP.……5.943.…11 vereadoras/es
PSOE…3.698.…..6 vereadoras/es
BNG.…2.148.…..4 vereadoras/es
Ames na Esquerda, 467 (3,54%)
EU.….….423
CANGAS
PP.….6.095…10 vereadoras/es
BNG…2.532…4 vereadoras/es
PSOE..2.064…3 vereadoras/es
ACE.…1.744…3 vereadoras/es (12,77%)
UPAC.…737.…1
MINHO
PP.….…1.624…7 vereadoras/es
PSOE.…1.366…6 vereadoras/es
Alternativa de Esquerdas de Minho, 158 (4,62%)
BNG.….…150
MUGARDOS
BNG.….914…4 vereadoras/es
PP.….…827…4 vereadoras/es
EU.….…712…3 vereadoras/es
PSOE.…544…2 vereadoras/es
Mugardos na Esquerda 128 (3,98%)
REDONDELA
PP.….…6.635…10 vereadoras/es
PSOE.…4.962.…8 vereadoras/es
BNG.….1.642.…2 vereadores
A.E. REDONDELA…832…1 vereador/a
PDG.…..631
FPG.……613 (3,87%)
EU.….….263
SALVATERRA DE MINHO
PP.……3.205.…8 vereadoras/es
BNG.…1.365.…3 vereadoras/es
PSOE.….873.….2 vereadoras/es
Salvaterra de Esquerdas 98 (1,75%)
SANTIAGO DE COMPOSTELA
PP.…..20.787…13 vereadoras/es
PSOE..14.876.…9 vereadoras/es
BNG.….6.389.…3 vereadoras/es
EU.……1.906
UPyD.….968
Candidatura do Povo, 598 (1,24%)
PONTE AREIAS
PP.……4.844…9 vereadoras/es
BNG.…2.664…5 vereadoras/es
ACIP.…2.046…4 vereadoras/es
PSOE…1.811…3 vereadoras/es
EU.….…..387
Ponte Areias de Esquerda, 158 (1,30%)
PORRINHO
PP.……6.051…10 vereadoras/es
BNG.…2.787.…5 vereadoras/es
PSOE…1.156.…2 vereadoras/es
EU.….…..211
Porrinho de Esquerdas, 175 (1,65%)
VIGO
PP.……61.616…13 vereadoras/es
PSOE…50.045…11 vereadoras/es
BNG.…16.374…3 vereadoras/es
EU.….…6.588
OV-GV.2.441
UPyD…1.746
PUM+J.…805
FPG.….…567 (0,39%)